Blúndukökur

Þessar smákökur eru einfaldar í bakstri og einstaklega góðar með þeyttum rjóma.

• 2 bollar sykur
• 2 bollar haframjöl
• 2 bollar hveiti
• ½ bolli síróp
• ½ rjómi
• 1½ tsk. lyftiduft
• 375 g smjör
• vanilludropar

Aðferð:

• Byrjið á því að bræða smjörið í potti.
• Blandið öllum hráefnunum í pottinn og hrærið vel í undir vægum hita.
• Setjið deigið með teskeið á plötu, þær fletjast mikið út þannig passið að hafa kökurnar ekki mjög stórar.
• Bakað í 200 gráðum í um 8 mínútur.
• Látið líða smástund áður en þið takið kökurnar varlega af plötunni.
• Kökurnar eru svo lagðar saman með þeyttum rjóma á milli.

Hafrakökur

• 8 dl hveiti
• 2 tsk. matarsódi
• 1 tsk. salt
• 400 g smjörlíki
• 4 dl sykur
• 4 dl púðursykur
• 4 egg
• 4 tsk. vanilludropar
• 8 dl korn-flakes
• 8 dl haframjöl
• 4 dl kókosmjöl
• súkkulaðidropar til að skreyta ofan á

Aðferð:

• Smjör, sykur og egg er hrært saman, passið að hræra ekki of lengi.
• Öðru hráefni er blandað saman í skál og eftir það er smjöri, sykri og eggjum bætt út.
• Deigið er svo hnoðað, búnar til litlar kúlur og lagt á bökunarpappírinn.
• Bakað í 200 gráðum í um 15 mínútur, eða þar til þær eru ljósbrúnar.
• Passið að setja súkkulaðidropana á kökurnar um leið og þær koma út úr ofninum þannig að þeor festist betur á þeim.