Bókasöfn gerast ekki mikið fallegri en Richelieu-bókasafnið í París. Það er eitt elsta og virtasta bókasafn borgarinnar. Einn lestrarsalurinn, Salle Ovale, er með 160 sæti og 20.000 bókum sem hægt er að skoða, þar af 9.000 teiknimyndasögum. Ef þú átt leið um París er svo sannarlega þess virði að heimsækja og dást að fegurð byggingarinnar og njóta þess að hvílast í friðsælu andrúmslofti. Bóka- og söguunnendur ættu að njóta þess sérstaklega að heimsækja safnið og fræðast um sögulegar safneignir þess.
Bókasafnið var stofnað á 14. öld og má rekja uppruna þess aftur til Karls V. Frakklandskonungs sem stofnaði konunglegt bókasafn í Louvre-höllinni árið 1368.
Staðurinn er nefndur eftir Richelieu, sem var lykilpersóna í franskri stjórnmála- og menningarsögu á 17. öld, því hann átti stóran þátt í vexti bókasafnsins.
Bókasafnið er staðsett í hjarta Parísar í 2. hverfi og er ríkt af sögu, sjaldgæfum handritum og menningararfi. Það hefur orðið mikilvæg geymsla fyrir franska og alþjóðlega þekkingu eftir því sem safnkosturinn stækkaði í gegnum aldirnar. Richelieu-safnið hýsir gríðarlegt safn fornra handrita, teikninga, grafíkverka, tónlistarhandrita og nótna í Frakklandi, sem gerir það að ómissandi stað fyrir sérfræðinga og rannsakendur.
Arkitektúrinn er blanda af klassískum frönskum stíl. Þar eru stórir garðar, port og glæsilegar innréttingar. Lestrarsalirnir eru fylltir með gullfallegum viðarbókahillum með flóknu tréverki og ljósakrónum sem skapa dramatískt og fræðilegt umhverfi fyrir rannsakendur. Einnig er mikið af fallegum smáatriðum sem endurspegla byggingarlistina á tímum barokk.
Stórfenglegi lessalurinn Labrouste er nefndur eftir arkitektinum Henri Labrouste sem hannaði upprunalega lessalinn. Hann var þekktur fyrir frumkvöðlastarf sitt í notkun járns og glers í byggingarlist sem var byltingarkennd nálgun á þeim tíma. Salurinn var byggður á sjötta áratug 19. aldar og var hluti af stórri endurnýjun og stækkun safnsins. Labrouste notaði þessi efni til að skapa stórt, nýstárlegt og loftmikið rými sem var ekki þessi hefðbundna …
