Jólin snúast um hefðir hjá mörgum en Ragnar gaf okkur uppskrift að krónhirti, ásamt meðlæti, og segir að þetta sé afar ljúffegur réttur en krónhjörtur er ekki tímafrekur í eldamennsku og því tilvalin jólamáltíð.

Snöggeldaður krónhjörtur

með nípumauki, karmelliseruðu graskeri og rauðvínssósu

• 800 g krónhjartarlund (skorin í fjóra bita)
• salt og pipar
• smjör/olía til steikingar
• Látið kjötið standa á borði til að ná stofuhita. Saltið og piprið vandlega.
• Steikið á heitri pönnu þannig að kjötið sé jafnbrúnað. Komið hitamæli fyrir í kjötinu og setjið í 130 gráðu heitan ofn og eldið að kjarnhita. Látið standa í 10–15 mínútur undir álpappír til að kjötið nái að jafna sig.

Nípumauk

• 2 stórar nípur
• 1 kúfuð teskeið af Edmont Fallot sinnepi
• 50 ml rjómi
• 50 g smjör
• salt og pipar
• Flysjið og sjóðið nípurnar í söltu vatni. Þegar þær eru mjúkar í gegn hellið þá vatninu frá.
• Maukið saman með rjóma, smjöri, sinnepi, salti og pipar. Haldið heitu.

Ofnristað grasker

• 1/2 butternut-grasker
• Jómfrúarolía, t.d. Olio Principe, Olio Nitti eða önnur góð olía
• salt og pipar
• ferskt timían til skreytingar
• Flysjið og skerið graskerið í litla kubba – einn sentimetra. Veltið upp úr góðri olíu, salti og pipar.
• Bakið í 180 gráðu heitum ofni þangað til að þeir eru fallega brúnaðir.

Rauðvínssósa

• 500 g hreindýrahakk, það má líka nota nautahakk
• 1/2 gulur laukur
• 2 hvítlauksrif
• smjör/olía til steikingar
• 500 ml rauðvín
• 1 grein af timían
• 500 ml kjúklingasoð
• 2 msk. smjör
• salt og pipar

Steikið hakkið og laukinn í smjöri þangað til að það fær á sig fallega brúnan lit. Saltið og piprið.

Undir lok steikingarinnar á kjötinu og lauknum, bætið þið smátt skornum hvítlauk saman við og látið steikjast í nokkrar mínútur. Gætið að brenna …