Að hanna útisvæði snýst oft um að skapa fallegt og aðlaðandi framhald af heimilinu þínu sem hentar þínum lífsstíl og auðvitað loftslagi. Hvort sem þú ert með stóran garð, notalegan pall eða svalir þá er auðvelt að breyta plássinu og skipulaginu í skemmtilegt svæði.

Að setja upp eldstæði á pallinn, þannig myndast hugguleg stemning og hlýja, ekkert betra en á íslensku sumarkvöldi að sitja með vinum eða ættingjum og ylja sér við eldinn.

Falleg útihúsgögn gera mikið fyrir útisvæðið og ekki verra að hafa þau í tekki eða annarri sterkri viðartegund svo það endist betur í veðráttunni á Íslandi, bæta við vatnsheldum púðum og teppum til að auka þægindin.

Stórar útimottur, annaðhvort undir sófasvæði eða matarborði, er líka góð hugmynd til að gefa svæðinu smá extra hlýju.

Græn svæði eru alltaf jafnaðlaðandi fyrir augað og gaman að hafa nóg af plöntum og blómum í mismunandi litum og velja sér blómapotta úr margs konar efnivið eins og leir og steini.

Fylgihlutir eins og bekkir, hengirúm, legubekkir, seríur og luktir er skemmtileg viðbót við útisvæðið og gefur garðinum þínum ánægjulegt yfirbragð sem gaman er að eyða tíma í.