Björn Jóhannsson er lærður landslagsarkitekt frá Bretlandi og eigandi Urban Beat, fyrirtækis sem sérhæfir sig í hönnun. Samkvæmt honum eru heilsutengd svæði, matargerð utandyra og umhverfisvæn sjónarmið áberandi í garðhönnun. Það er einnig að verða vinsælt á nýjan leik að vera með grasflöt í garðinum. „Það þarf ekki allt að vera í pöllum og stéttum. Það má skipuleggja grasflötina þannig að það sé búið til gott umhverfi á og í kringum grasflöt,“ segir Björn.

Sýndarveruleiki í garðhönnun

Hjá Urban Beat er sýndarveruleiki notaður við garðhönnun. Ferlið virkar þannig að Björn hittir garðeigendur, fær upplýsingar um óskir þeirra og tekur myndir af svæðinu. „Ég er með öpp þar sem ég 3D skanna lóðina og fæ myndir þar sem ég get séð hvernig sólargangur er,“ útskýrir Björn. Þessi tækni gerir honum kleift að hanna garðana með góðri rýmisnýtingu.

Björn leggur áherslu á að í ferlinu geti fólk skipt um skoðun. „Ég vinn þetta í tveimur til þremur skrefum. Á milli skrefa eitt og tvö, þar áttu að breyta,“ segir landslagsarkitektinn. „Ég myndi segja að það mikilvægasta í þessari teiknivinnu sé að hönnuður og garðeigandinn vinni saman, og að það sé svigrúm til að breyta frá fyrstu tillögu.“

Sýndarveruleikinn hefur hjálpað mikið til við hönnunarferlið enda gerir hann garðeigendum auðveldara með að skilja teikningarnar. „Ef maður gerir þetta á gamla mátann þar sem er bara grunnmynd, þá er erfitt að skynja stærðir,“ segir Björn. Þrívíddin einfaldar ferlið því töluvert.

Ánægður garðeigandi

Umhverfisvæn sjónarmið skipta orðið meira …